By Rowena Agilada
MAPAPANOOD sina Nora Aunor at Tirso Cruz III sa Lenten Special ng “Eat Bulaga.” Kaya lang, magkahiwalay sila ng episodes. Si Ryzza Mae Dizon ang kasama ni Nora sa “A Daughter’s Love.”
Si Alden Richards naman ang kasama ni Tirso sa isang episode. May mga nagtatanong, bakit daw hindi na lang pinagsama sina Guy at Pip sa isang episode? Mas maganda raw sana na muling mapanood ang dating magka-love team.
Hindi raw kaya umiwas lang ang isa kina Guy at Pip na magkatrabaho silang muli? Maybe, management decision ‘yun na paghiwalayin sila ng episodes.
Magre-retire
Four movies pa ang gagawin ni direk Cathy Garcia-Molina at mag-re-retire na siya. Hanggang August next year ang kontrata niya sa Star Cinema.
Ani direk Cathy, gusto naman niyang mabigyan ng quality time ang mga anak niya. Looking forward din siya na maikasal sa love of her life ngayon. Hindi niya ikinakaila na may boyfriend siya ngayon.
Biyuda na si direk Cathy na namatay ang husband niya a few years ago.
“My Perfect You” topbilled by Gerald Anderson and Pia Wurtzbach ang latest directorial job niya. Showing na ito ngayon sa mga sinehan nationwide na Graded B ng Cinema Evaluation Board.
Next movie na gagawin niya’y pagbibidahan nina Daniel Padilla at Kathryn Bernardo. Ayaw na niyang mag-direk ng teleserye.
Heartbreaker?
Huwag sabihing hindi pa nakaka-move-on si Yassi Pressman sa break-up nila ni Sef Cadayona? Since then kasi, wala pa siyang naging boyfriend. Wala raw siyang manliligaw. Focused muna siya sa kanyang career, ang “excuse” ni Yassi.
First heartbreak ever ni Yassi si Sef. Wala silang closure. Nalaman na lang ni Yassi na may third party involved. Si Andrea Torres ba ‘yun?
Single pa rin si Andrea matapos ang break-up nila ni Sef. Huwag ding sabihin na hindi pa rin siya nakaka-move on?
Heartbreaker ba si Sef? Ano bang meron siya na na-fall sa kanya ang dalawang pretty and sexy stars?
Audition
Sa mga interesadong mag-audition para sa “The Clash,” go kayo sa SM North EDSA Skydome today, 9 a.m. to 6 p.m.
Magdala ng birth certificate, up close at full body photos, minus one ng kakantahin n’yo.
Darating si Regine Velasquez na host ng naturang singing search na mapapanood sa GMA7. Maghahandog din siya ng awitin.