By JUN NARDO
Natutuwa kami sa big break ng komedyanteng si Petite Brokovich sa sa movies!
Malapit sa amin si Petite. Madalas namin siyang makasalmuha nung nagsisimula pa lang siya bilang stand-up comedian sa Klownz at Zirkoh.
Kalaunan, naging visible na siya sa TV shows na comedy ang format.
Lumabas na rin siya sa ilang movies bilang suporta.
Pero sa festival movie na “Broken Heart’s Trip” mula sa isang baguhang film company, level up na si Petite dahil kabilang na siya sa mga bida na kinabibilangan nina Christian Bables, Teejay Marquez, at iba pa.
Comedy film ito tungkol sa mga brokenhearted na sumali sa isang reality show upang manalo ng P1M at malibot ang ilang magagandang lugar sa Pinas!
Nakaranas na ring maging brokenhearted ni Petite pero hindi na love life ang priority niya ngayon kundi trabaho para sa pamilya!
Reyna ang drama
Nahawi ang ilang artistang guests na kabilang sa isang malaking Christmas event ng isang network nang umakyat sa stage ang isang sikat na male celebrity.
E kasama sa event ang pagrampa sa stage ng mga guest na pabonggahan ang suot na damit at costumes. Then, may photo-ops sa stage upang mai-post sa social media ng guests, photographers at influencers na invited.
Nauna umakyat ang ilang celebs. Peror pagdating ni male celeb na malaking gown ang suot, nahawi ang mga nasa unahan ng stage!
Nawalis kumbaga ang lahat at napunta sa likod ni male celeb upang maokupa ang malaking bahagi ng stage!
Lumabas tuloy na support ni male celebs ang ilang artista! Kumbaga, si male star ang reyna at naging dama niya ang mga artistang nasa likod niya!
