Mahal na mahal ng Kapamilya actor na si Ejay Falcon ang kanyang girlfriend na si Jana Roxas.
Hindi naman daw siya nagmamadali para pakasalan ito.
“Ine-enjoy lang namin ang mga panahon na magkasama kami. Alam namin ang mga priorities namin sa ngayon. Katulad ko, gusto ko munang pag-aralin at pagtapusin ang mga kapatid ko, at kung magkakaroon ng pagkakataon gusto ko ring magtapos ng college. Kaya nga nagpapaka-busy muna ako sa trabaho. Naiintindihan naman ni Jana yun, ” sabi ni Ejay.
Feeling blessed nga si Ejay dahil bukod sa masayang lovelife ay maganda rin ang takbo ng career niya. Bukod sa ginagawa niyang ABS-CBN teleseryeng The Promise of Forever kasama sina Ritz Azul at Paulo Avelino, sunud-sunod din ang guesting niya sa ibang shows gaya ng Maalaala Mo Kaya at Ipaglaban Mo.”
Hindi pa raw alam ni Ejay kung kailan maipalalabas ang The Promise of Forever. Kumusta katrabaho si Ritz? “Masaya kasama si Ritz. Kailan lang nag-Minute To Win It kami e. Lumaban kami sa one million, so babalik pa kami. Kaibigan ko talaga siya.”
How about si Paulo? “Si Paulo, bago pa kami magkasama sa The Promise, nakakasama ko na siya sa gym dati. So, okay naman kami.” (GLEN P. SIBONGA)